بطاقتك ......
ممكن تطلعها ..... هشوف حاجة
اكيد مش اسمك ماناعارفة انك يوزر معايا انا بس عايزة اشوف درجتك
مواطن من الدرجة الكام يعني او بمعنى اصح ( واصل لدرجة ايه )
بقول طلاسم مش كده طب نفكها
في البطاقة هيكون حاجة من تلاتة :
من العموم
من الخصوص
من خصوص الخصوص
العموم همه اللي بيصوموا صيام عموم يعني عن الاكل والشرب بس وده كلنا نقدر نعمله
الخصوص هو اللي يصوم صيام الجوارح يعني يصوم معاه لسانه وسمعه وبصره و ايديه ورجليه
خصوص الخصوص والراجل ده vip يعني حد مهم قوي بيصوم معاه مع جوارحه وبطنه قلبه بيحس بكل طاعة بيعملها
افضل انواع الصيام طبعا هو النوع التالت (خصوص الخصوص ) وثوابه بيكون عظيم جدا ده غير انك بتحس بيه في الدنيا في احساسك وبركته اللي بتعود عليك
ازاي توصل لصيام الجوارح او صيام الخصوص بانك تغض بصرك وتحفظ سمعك ولاتستخدم احد جوارحك في اذي احد وتكف الاذى
ايه رايكم لو كل واحد فينا يحاسب نفسه انهاردة ويشوف صيامه من اي نوع فيهم طب لو عايز يرتفع بصيامه درجة يعمل ايه ؟
دور على جوارحك وخليها تصوم معاك
الأحد سبتمبر 23, 2007 2:46 am